Rósaklúbbar eru starfandi á öllum Norðurlöndunum. Þeir eru félagsskapur áhugafólks um rósir.
Rósaklúbbarnir utan Íslands eru:
- Danmörk – Det Danske Rosenselskab
- Finnland – Finska Rosensällskapet
- Noregur – Norsk Roseforening
- Svíþjóð – Svenska Rosensällskapet
Norrænu rósaklúbbarnir hafa myndað með sér samstarfsvettvang sem nefnt er “Norræna rósafélagið”. Félagið skipuleggur Norræna rósarhelgi á tveggja ára fresti og stendur fyrir sameiginlegum ferðum fyrir félagsmenn til mismunandi hluta Norðurlanda og annarra landa. Samstarf fer einnig fram með upplýsingaskiptum í gegnum aðildarblöð sem flest félaganna gefa út reglulega og eru þar hinir ýmsu viðburðir á vegum félaganna kynntir.
Félögin hafa einnig komið upp Norrænum rósagörðum í hverju aðildarlandi þar sem plantað hefur verið völdum rósum frá hverju landi fyrir sig.
Tilgangur félagsins er:
- að vera tengiliður og samstarfsaðili norrænu rósafélaganna
- að stuðla að miðlun þekkingar og reynslu um rósir
- að miðla upplýsingum sem varða sameiginlega hagsmuni
- að stuðla að persónulegum samskiptum
- að efla að öðru leyti áhuga á rósum á Norðurlöndum